ಕೆಣಕಿ ಪ್ರಶ್ನಿಸುತ್ತಿದೆ ಕತ್ತಲು

ನಿದ್ರಿಸದೆ ಕೆಂಪಾದಕಣ್ಣಿಗೆ ಕಾರಣ

ಯಾರಿಗು ಕಾಣದ ರಾತ್ರಿಪಯಣ

ದಿಕ್ಕರಿಸಿ ಬೆಳಕು ಮಾಡುತ್ತಿದೆ ಬೆತ್ತಲು

ಚಿಂತೆಗಳು ಕತ್ತಲನ್ನು ಮುದ್ದಿಸಲು

ಮೂಡಿತು ಕಣ್ಣಸುತ್ತಲಿನ ಕಪ್ಪುಕಲೆ

ಇದು ಇರಬಹುದು ಚಿಂತೆಕತ್ತಲಿನ ನೆಲೆ

ಒಂದಕ್ಕೊಂದು ಒಡ್ಡಿನಿಂತಿವೆ ಸವಾಲು

ಮನಸು ಅತ್ತಿತ್ತ ಬಡಬಡಿಸಲು

ಎತ್ತೆತ್ತಲೊ ಸಾಗಿವೆ ಆಲೋಚನೆಗಳು

ನಿಶ್ಯಬ್ದವಾಗಿ ನಡೆಯುತ್ತಿವೆ ಅವಲೋಕನಗಳು

ಒಣಗಿನಿಂದ ತುಟಿಗಳು ಅದರಲು

ಅರೆಬರೆ ಮಾತುಗಳು ತಡವರಿಸಲು

ದೃಢತೆಯನ್ನು ಕಳೆದುಕೊಂಡ ಮನಸು

ನಿದ್ರೆಇಲ್ಲದೆ ಮರೆಯಾದ ಕನಸು

ನಡೆದಿದೆ ಜೀವನ ಇವುಗಳ ಸುತ್ತಲು

ನಿಮ್ಮ ನಿಶಾ೦ತ್.ಏ