ಮನಸ್ಸೆಂಬ ಸಮುದ್ರದಲ್ಲಿ

ನಿನ್ನಪ್ರೀತಿಯ ಮಂಥನ

ಕಂಪಿಸಿ ಚಡಪಡಿಸಿದೆ ಮನ

ಭಾವನೆಗಳೆಂಬ ಅಲೆಗಳಲಿ

ಕುಳಿತುಬಂದ ಮತ್ಸಕನ್ಯೆ

ಎಂದೆಂದಿಗೂ ನನಗೆ ನೀ ಅನ್ಯೆ

ಬೇಕುಬೇಡವೆಂಬ ಸೆಳೆದಾಟದಲ್ಲಿ

ನೀ ನನ್ನ "ನಲ್ಲ" ಎಂದದ್ದು ವಿಷವಂತೆ

ನಾ ನಿನ್ನನ್ನೊಲ್ಲೆ ಎಂದದ್ದು ಅಮೃತವಂತೆ

ಮಿತಿ ಮೀರಿದ ಹೊರಾಟದಲಿ

ನಿನ್ನೆಡೆಯ ಸೆಳೆತವೆ ಅಸುರರು

ಧಿಕ್ಕರಿಸಿದ ಭಾವವೆ ಸುರರು

ತೃಣವು ಲಭಿಸದು ಪಾಲುಪ್ರೀತಿಯಲಿ

ನೀ ನನಗಾಗಿ ಕಾದರೆ ಹೆಣ್ಣೆ

ನನಗಿಷ್ಟ ಭೂತಾಯಿ ಮಡಿಲಿನ ಮಣ್ಣೆ

ನಿನ್ನ ಭಾವನೆಗಳಿಗೆ ನಾ ಏಟುಕದ ತಾರೆ ಕ್ಷಮೆ ಇರಲಿ

ನಿಶಾಂತ್.ಏ